ភ្នំពេញ៖ កងទ័ពជើងគោកបានប្រកាសគាំទ្រចំពោះសេចក្ដីព្រាងរដ្ឋធម្មនុញ្ញ ដែលជាសំណើធ្វើវិសោធនកម្មរដ្ឋធម្មនុញ្ញជាលើកទី១០។

កងទ័ពជើងគោកចាត់ទុកដាក់ការធ្វើវិសោធនកម្មលើកនេះក៏មិនខុសពីលើកមុនៗដែរគឺបានធ្វើឡើងដោយឈរលើគោលការគ្រឹះទាំងឡាយដែលមានចែងក្នុងរដ្ឋធម្មនុញ្ញ នៃព្រះរាជាណាចក្រកម្ពុជាឆ្នាំ១៩៩៣ ជាងាទិ៍ របបប្រជាធិបតេយ្យសេរីពហុបក្ស និងរបបរាជានិយមអាស្រ័យធម្មនុញ្ញ។

កងទ័ពជើងគោកបន្ថែមថា៖ «និងក្នុងគោលបំណងដើម្បីបំពេញចន្លោះខ្វះខាតនៃរដ្ឋធម្មនុញ្ញ និងដើម្បីធានាការពារឧត្តមប្រយោជន៍របស់ជាតិ ជាពិសេសការធ្វើឱ្យស្ថាប័នសំខាន់ៗរបស់រដ្ឋមានកិច្ចដំណើរការប្រព្រឹត្តិទៅរលូន មិនជាប់គាំង និងធានាបាននៅគ្រប់កាលៈទេសៈ»។

រដ្ឋសភាកម្ពុជាបានសម្រេចអនុម័តទាំងស្រុងធ្វើវិសោធនកម្មលើកទី១០ នៃរដ្ឋធម្មនុញ្ញកម្ពុជាបន្ទាប់ពីបើកសម័យប្រជុំពេញអង្គលើកទី៧ នីតិកាលទី៦ ថ្ងៃព្រហស្បតិ៍ ទី២៨ ខែកក្កដា ឆ្នាំ២០២២។

សមាជិកសភាដែលមានវត្តមានទាំង១០៥នាក់ក្នុងចំណោម១០៦នាក់មកពីគណបក្សប្រជាជនបានបោះឆ្នោតលើកដៃជាឯកច្ឆ័នសម្រេចអនុម័តទាំងស្រុងនៃច្បាប់រដ្ឋធម្មនុញទី១០នេះ។

បន្ទាប់ពីច្បាប់នេះត្រូវបានអនុម័តរដ្ឋសភានឹងបញ្ជូនទៅកាន់ព្រឹទ្ធសភាដើម្បីបន្តប្រជុំយល់ព្រមនិងឱ្យកែប្រែ មុននឹងបញ្ជូនទៅអង្គព្រះមហាក្សត្រដើម្បីឡាយព្រះហស្ថលេខាដាក់ឱ្យប្រើប្រាស់ជាផ្លូវការ៕